30
ноябрь
2018
"Кемелді келешек - кемеңгер Елбасымен"
Мәншүк Мәметова атындағы негізгі мектебінде 1 желтоқсан президент күніне орай "Кемелді келешек - кемеңгер Елбасымен" тақырыбында іс-шара жоспары жасалып, жоспарға сәйкес іс-шаралар өткізілді.
Іс-шара аясында 3 сынып жетекшісі Н.С.Тойшыбекова «Елің сүйген Елбасы», 7 сынып жетекшісі З.С. Жарылкапова «Елімнің мақтанышы - Елбасы» тақырыптарында ашық тәрбие сағатарын өткізді.
Тәрбие сағаты барысында оқушыларға қазақ халқының тұңғыш президенті Нұрсұлтан Әбішұлы Назарбаевтың өмір жолымен, туып-өскен, оқып білім алған, қызмет еткен жерлері туралы мағлұмат беріп, видео роликтер көсетілді.
3 сынып тәрбие сағаты соңында оқушылар гүл күлтелерін құрастыру арқылы Елбасына сүйіспеншілік лебіздерін білдіріп, тілек жазды.
Осы Тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін ұрпақ екенімізді сезінеміз-деп оқушылар сөздерін түйіндеді. Соңында сөзі: Н.Назарбаев, әні: Б. Тілеуханов «Елім менің» атты әнімен аяқтады.
7 сынып жетекшісі З.С. Жарылкапова «Елімнің мақтанышы - Елбасы» тақырыптарында өткізілген тәрбие сағатында Тәуелсіз Қазақстанның іргесін қалап, шекарасын шегелеп, болашаққа бағыт-бағдар беруде Тұңғыш Президенттің халық алдындағы еңбегі ұшан-теңіз екендігін айтып өтті.
Елбасы еліне сенеді, елі Елбасына сенеді. Жас ұрпақ, біздер де ертеңемізді Елбасымыздың, оның нұсқаған басым бағыттары арқылы елестете аламыз. Еліміздің ауыр да сынағы мол жылдарды артқа тастады. Ендігі кезең жарқын жылдар болмақ.
Тәрбие сағатының соңында сынып жетекшісі З.С. Жарылкапова Елбасы туралы ойын Нұрсұлтан Әбішұлының өз сөзімен аяқтады:
«Алдымызда асу-асу белдер бар, ұлт жолында ұйтқып соғар желдер бар. Бел де талар , жел де беттен қағар. Бәріне төзу керек, бәріне көну керек жас ұрпақ!!!»