"Қазақтың батыр қызы - Мәншүк"

2019 жылдың қазан айында Мәншүк Мәметова атындағы негізгі мектебінде директордың тәрбие ісі жөніндегі орынбасары Айнур Аманкозиеваның ұйымдастыруымен "Қазақтың батыр қызы - Мәншүк" атты іс-шара ұйымдастырылып, оған 5-9 сынып оқушылары белсене қатысты.

Әуелі "Шығыстың қос жұлдызының бірі - Мәншүк" батыр туралы сынып сағаттары, дөңгелек үстел, эссе жазудан байқаулар өтті. Атап айтқанда, 7 сынып жетекшісі Зейнфурат Жарылкапованың ұйытқы болуымен "Аты аңызға айналған - Мәншүк" тақырыбындағы ашық тәрбие сағатында батыр қыздың өмір жолы мен ерлігі өлеңмен өрнектелді.

Қазақ тілі пәнінің мұғалімі Роза Имашова ұйымдастырылған "Ерліктері ұмытылмайды" атты эссе байқауында 6 сынып оқушысы Рауан Альсерикова бас жүлдені, 9 сынып оқушысы Әсем Сайлау - бірінші орынды жеңіп алды.

Оқушыларды әкелер мен аналар ерлігі рухында тәрбиелеу мен даңқты батырлардың ерлік жолдарымен таныстыра отырып, үлгі етуді көздеген шара барысында мектеп кітапханашысы Жанат Абубакирова "Қазақтың батыр - Мәншүк" тақырыбында сурет көрмесін ұйымдастырылды. Онда оқушыларға Кеңес Одағының Батыры Мәншүк Мәметованың өшпес ерлігі туралы кеңінен ақпарат берілді.